I infektuari me koronavirus nuk ka pasur kontakt me askënd në Ferizaj

20:34 | 21 Mars 2020
A. B.

Komuna e Ferizajt ka njoftuar se një ferizajas i infektuar me koronavirus nuk kishte qëndruar fare në Ferizaj.

Nga njoftimet e Institutit Kombëtar të Shëndetit Publik, një qytetar nga Ferizaj, me vendbanim në fshatin Bibaj, i moshës 32 vjeçe i ardhur nga Gjermania, është konfirmuar i prekur nga virusi COVID-19 apo i njohur si koronavirus.

“Konfirmojmë se pacienti nuk ka pasur fare kontakt as me familjen dhe as me bashkëfshatarët. Ai ka ardhur mbrëmë nga Gjermania dhe është trajtuar drejtpërdrejtë nga aeroporti, fillimisht në IKSHP, ku ka rezultuar pozitiv e pastaj nga karantina ku ndodhej në Qendrën e Studentëve e në Klinikën Infektive të QKUK-së.

Duhet ta ruajmë qetësinë e të respektojmë masat mbrojtëse në përpikmëri”, thuhet në njoftim.

Shpërndaje në rrjete sociale

Lajmet më të lexuara

Të ngjashme

Foto lajm